Aðstaðan

Húsið okkar stendur í botnlanga í rólegu hverfi. Í húsinu eru sex svefnherbergi sem rúma 12 manns í rúmi. Svefnsófi og möguleiki á dýnum. Einnig eru í húsinu 6 baðherbergi, tvö stór og rúmgóð og fjögur minni inn af herbergunum. Stór stofa þar sem allir rúmast við langt matarborð en einnig er gott pláss í eldhúsinu þegar fjölgar í gestahópnum. Útgengt á pallinn og í heita pottinn sem rúmar allt að 12 manns. Á góðum sumarkvöldum breytist veröndin í draumaveröld þar sem gaman er að sitja, grilla og spjalla inn í sumarnóttina. Í stofunni er 55″ sjónvarp með fjölmörgum sjónvarpsstöðvum, Stöð2, Sjónvarp Símans premium og Bíóstöðin. WiFi er opið um allt hús og nær út í garðinn. Við biðjum gesti okkar vinsamlegast að huga að því að húsið er í rólegu íbúðahverfi. Takið tillit til þeirra sem þar búa. Háreysti fram eftir nóttu er ekki vel liðin.